Apple បានចុះប៉ាតង់ថ្មីនិយាយពី iPhone បំពាក់អេក្រង់មួយជុំតួខ្លួនតែម្ដង

មើលតាមប៉ាតង់គឺថា iPhone មានអេក្រង់មួយជុំតួខ្លួននោះ វាអាចដំណើរការបង្ហាញជារូបភាពផ្សេងៗបាន ដោយសារតែមានដុំទ្រវែងមួយត្រូវបានដាក់នៅខាងក្រោម ឬខាងលើ ដែលដុំនេះត្រូវបានគេហៅថា Cap ហើយ Cap នេះ អាចដកហូតចេញពីកញ្ចក់អេក្រង់នោះបានទៀតផង។

យ៉ាងណាក៏ដោយ នេះគ្រាន់តែជាប៉ាតង់ប៉ុណ្ណោះ ដូច្នេះមិនប្រាកដនោះទេថា Apple នឹងធ្វើឲ្យចេញជារូបរាងមែន ឬក៏អត់។ នេះមិនមែនជាលើកទីមួយនោះទេ ដែល Apple បានចុះប៉ាតង់ទាក់ទងនឹងទូរសព្ទមានបំពាក់អេក្រង់ពេញតួខ្លួននោះ ព្រោះកន្លងទៅក្រុមហ៊ុនអាមេរិកនេះ ក៏ធ្លាប់បានចុះប៉ាតង់ទាក់ទងនឹងទូរសព្ទប្រភេទនេះច្រើនដងដែរហើយ គ្រាន់តែវាមានលក្ខណៈ និងមុខងារដំណើរការខុសៗគ្នា។